Nánd, skömm og langvinn veikindi

Athugið, þessi viðburður er aðeins fyrir meðlimi Endósamtakanna.

Guðbrandur Árni Ísberg, sérfræðingur í klínískri sálfræði og rithöfundur, heldur erindi fyrir meðlimi Endósamtakanna mánudaginn 16. nóvember kl. 19:30. Erindið fer fram í Mannréttindahúsinu, Sigtúni 42, en einnig er hægt að taka þátt rafrænt.

Skráning á viðburðinn fer fram hér: https://forms.gle/3dBZkDJRZJ8dpWeD8

Í erindinu fjallar Guðbrandur um það hvers vegna nánd er mikilvæg fyrir bæði andlega og líkamlega líðan. Hann mun einnig fjalla um þær óþægilegu tilfinningar sem helst gera okkur lífið leitt, það er skömm, sektarkennd, depurð og kvíða.

Hann skoðar hversu mikilvægt það er að skilja þessar tilfinningar rétt, svo þær geti gagnast okkur í að takast á við lífið. Það á ekki síst við þegar lifað er með langvinnum veikindum sem hafa ýmsar áskoranir í för með sér.

Yfir og allt um kring er það síðan ástin, eða kærleikurinn, sem bindur þetta allt saman á mjög jarðbundinn hátt.

Einnig mun gefast tími í spurningar og umræður.

Um Guðbrand

Guðbrandur Árni Ísberg er sérfræðingur í klínískri sálfræði og rithöfundur. Hann hefur starfað í yfir aldarfjórðung með fjölbreyttum hópum skjólstæðinga. Nánar má lesa um feril hans á heimasíðu hans, www.stofanmin.com.