Heilög María og Hallgrímur - Tónleikar Cantores Islandiae

Á Hallgrímshátíð 2026 eru það fornir Maríusöngvar og vers Hallgríms sem hljóma á laugardagstónleikum hátíðarinnar.

Sönghópurinn Cantores Islandiae hefur sérhæft sig í tónlist miðalda og fá nú til liðs við sig hljóðfæraleikara og mezzosópran. Það er fagnaðarefni að bjóða upp á þennan glæsilega flutning á sérlega fagurri tónlist sem er sjaldheyrð hér um slóðir.

Aðgangur á tónleikana er ókeypis.

María Guðsmóðir hafði mikla þýðingu í trúarlífi Íslendinga fyrir siðaskipti. Hér verður sérstök áhersla lögð á Maríutónlist frá 15. öld, bæði úr íslenskum handritum og fjölradda tónlist frá Evrópu. Einnig hljóma íslensk tvísöngslög og þjóðlög við vers sálmaskáldsins Hallgríms Péturssonar.

Flytjendur:

Sönghópurinn Cantores Islandiae

Ingibjörg Azima Guðlaugsdóttir, sackbut

Jens Bauer, sackbut

Jóhanna Ósk Valsdóttir, mezzósópran

Lára Bryndís Eggertsdóttir, orgel

Stjórnandi: Ágúst Ingi Ágústsson

Verið hjartanlega velkomin á tónleikana og á sunnudag í hátíðarmessu, kirkjukaffi og dagskrá í tali og tónum um útgáfur Passíusálmanna, en í ár eru liðin 360 ár frá fyrstu útgáfu þeirra, sem prentuð var á Hólum í Hjaltadal árið 1666.